SPAK ka kërkuar burg përjetë për Orges Bilbilin dhe Anterio Kaloshin, dy persona të akuzuar për masakrën e Lushnje më 2017, ku dy persona u vranë dhe një i tretë mbeti plagosur.
Sipas burimeve, Prokuroria e SPAK Dolorez Musabelli ka lexuar konkluzionet përfundimtare ndaj këtyre personave duke kërkuar burg përjetë. Ndërkohë vijon të jetë në kërkim Laert Haxhiu, i konsideruar si bashkëpunëtor në këtë ngjare të rëndë.
Prokuroria e Posaçme i akuzon të tre si pjesëmarrës në grup kriminal dhe autorë të disa vrasjeve me paramendim në zonën e Lushnjes dhe jo vetëm.
Orgest Bilbili dhe Laert Haxhiun janë akuzuar për vrasjen e Jurgen Hoxhës dhe Zamir Latifit si dhe tentativën e vrasjes së Xhulio Shkurtit, nipit të Aldo Bare. Sipas prokurorisë, nga hetimet e kryera doli se objektiv i ngjarjes ka qenë vrasja e Shkurtit, si hakmarrje ndaj historikut të konflikteve midis familjeve të Xhulio Shkurtit dhe Laert Haxhiut.
Veç akuzës së vrasjes në rrethana cilësuese të një ose më shumë personave, Orges Bilbili akuzohet për “Kryerjen e veprave penale në kuadër të grupit kriminal”.
Discussion about this post