Bardhi apo Noka Sekretar i Përgjithshëm? Ja ç’thotë Berisha

Ish-Kryeministri Sali Berisha është pyetur sot se cilin njeh si Sekretar të Përgjithshëm të PD-së, mes Flamur Nokës dhe Gazment Bardhit, ndërsa ka shmangur një përgjigjie të drejtëpërdrejtë.

Berisha u shpreh se “realitetet nuk janë njësoj”, por theksoi se deri tani me Gazment Bardhin po operohet shumë mirë, është proces në vazhdim, ka dhënë frytet e para pozitive”.

“Që realitetet nuk janë të dy njësoj dhe ne mbi këto realitete po operoojmë, deri tani po operohet shumë mirë, është proces në vazhdim, ka dhënë frytet e para pozitive”, u shpreh ai në një konferencë për mediat.

I pyetur nga gazetarët për 6 propozimet e Bashës për Reformën Zgjedhore, ai u shpreh “thirreni me emrin e vërtetë, pengu ose brava, nëse keni parë diçka të pakopjuar në ato pika hajde më thoni.

Nuk ka asnjë risi tek pengu përveç diktatit që i bëjnë. Ai përfaqëson Ramën, kë përfaqëson ai, pengun e Ramës.”