Para pak ditësh, Kongresi amerikan vendosi të zgjerojë hetimet për dosjen shqiptare të McGonigal, duke kërkuar më shumë informacion nga FBI.
Ndërkohë, gazetari John Schindler deklaroi se hetimi i Kongresit do të zbulojë edhe bashkëpunëtorët e McGonigal në FBI, pasi nuk është e mundur që ai të ketë vepruar i vetëm.
Në fakt, edhe paraardhësi i McGonigal në FBI, është i zhytur në aferën shqiptare.
Bëhet fjalë për Lou Bladel, i cili ka marrë nga qeveria e Edi Ramës të paktën 375 mijë euro përmes një kontrate të dyshimtë.
Lou Bladel erdhi të punonte në Shqipëri dhe u emërua nga kryeministri Rama si shefi i strukturës së posaçme, të ngritur pranë qeverisë.
Rasti tronditës provonte që në atë kohë se Edi Rama po krijonte institucione paralele të hetimit për të sulmuar opozitën e vendit.
Edhe ai u përdor nga Edi Rama si një mercenar kundër opozitës shqiptare, duke punuar në mënyrë informale në kundërshtim me rolin dhe kontratën e tij.
Këtë fakt e pati zbuluar gazetari Sokol Balla në emisionin e tij Real Story. Sipas tij, Bladel ishte angazhuar në mënyrë vullnetare për të verifikuar akuzat e rënda që hidheshin nga opozita në drejtim të Edi Ramës.
Rasti më i nxehtë në ato ditë ishte ai i ‘Babales’ ku implikohej Fatmir Xhafaj, por edhe dosja ‘Xhisiela’, ku implikoheshin deputetët socialistë, Taulant Balla dhe Rrahman Rraja.
Hetuesit amerikanë kanë zbuluar se Edi Rama është takuar me ish-zyrtarin e lartë të FBI, Charles McGonigal në të paktën katër raste.
Në dy prej këtyre rasteve, Rama ka darkuar në SHBA me McGonigal. Në darkën e Uashingtonit, i pranishëm ka qenë edhe një tjetër agjent special i FBI, Lou Bladel. Ky i fundit ka qenë paraardhësi i McGonigal në krye të kundërzbulimit të FBI në Nju Jork.
Më pas krijoi një firmë konsulente, e cila mori një kontratë të majme nga qeveria shqiptare në maj të vitit 2018. Vetëm disa muaj pas takimit me Ramën, qeveria shqiptare nënshkroi një marrëveshje me “Ernst&Young” për të luftuar krimin dhe evazionin fiskal.
Discussion about this post