Skuadra e Liverpoolit mban vendin e tretë në renditje në kampionatin anglez teksa është vetëm dy pikë larg kreut të renditjes që mbahet nga Chelsea. Për trajnerin e skuadrës së Liverpoolit, Jurgen Klopp, renditja në këtë moment nuk ka aspak rëndësi pasi sipas tij titulli nuk fitohet në dimër, një sinjal për skuadrat e tjera rivale për titullin kampion.
“Nuk mund të fitosh kampionatin në nëntor ose dhjetor, në këto muaj ndoshta thjesht mund ta humbasësh atë. Sigurisht që gara për titullin kampion këtë sezon është shumë emocionuese.
Gjithsesi, duhet ta keni të qartë: unë nuk i shoh tani fare ndeshjet e Manchester City apo Chelsea, me shpresën apo dëshirën se do të frenohen”, theksoi trajneri i skuadrës së Liverpoolit, Jurgen Klopp.
Discussion about this post