Këtë fundjavë u mbajtën dy përballjet e javës së 17-të në Superligën Kosovare të futbollit ku sa i përket fituesve, nuk pati surpriza.
Ballkani arrit të triumfojë minimalisht ndaj Drenicës, e cila ndodhet në krizë prej një kohe shumë të gjatë. Skuadra nga Skënderaj po përjeton një moment mjaft të vështirë, pasi investitorët e klubit janë tërhequr, dhe problemet financiare kanë pushtuar ekipin, çka po vihet re edhe në rezultatet negative të njëpasnjëshme.
Kundërshtarët e Ballkanit janë treguar të ‘kursyer’ ndaj Drenicës, për ti ndëshkuar këta të fundit me vetëm një gol, atë të Jashanicës në minutën e 50’, për ti rrembyer tre pikët e plota nga ky takim.
Përballja tjetër mes Gjilanit dhe Malishevës përfundoi me rezulatatin 3-1, ku pavarsisht se ishin miqtë që kaluan të parët në epërsi, djemtë e Ismet Munishit do të merrnin kontrollin e takimit, duke përmbysur gjithçka, për të shënuar tre gola në favorin e tyre.
Në përfundim të kësaj jave, dy kryesuesit e renditjes, Ballkani dhe Gjilani nuk hodhën hapa ‘fals’ duke i mbajtur të pandryshuara pozicionet e tyre, por vetëm forcuan pozitat, në kalendarin e ngjeshur të Superligës Kosovare.
Discussion about this post