Në javën e 11-të në Superligën Shqiptare, Partizani zbriti në ‘Air Albania’ për tu përballur me Skënderbeun. Të dyja skuadrat vijnë nga një formë jo e mirë në këtë përballje, e cila në këtë pjesë të parë u mbyll me rezultatin 2-1.
Ndeshja u zhbllokua në minutën e 14’ falë një aksioni spektakolar të Malës, i cili dhuron asistin për Rrapajn që nuk mund të gabonte, duke tundur rrjetën korçare me golin e tij.
Skënderbeu do të reagonte menjëherë me Mensah në minutën e 20’, që gjeti golin e barazimit, por serish ‘të kuqtë’ e kryqytetit do të reagonin me Carën në një gol të kontestueshëm. Ky gol fillimisht u sinjalizua si i pavlefshëm, por falë ndërhyrjes së sistemit VAR dhe pas 3 minutave pritje, goli konfirmohet dhe Partizani kalon në avantazh, me shifrat e pjesës së parë që u mbyllen në 2-1, në favor të skuadrës së Ilir Dajës.
Discussion about this post