VIDEO/ “Do të të shkatërrojmë”, kush ia prishi makinën Eno Popit? -

Moderatori i njohur, Eno Popi, ishte i ftuar pak javë më parë në emisionin “Wake Up”, për të zbuluar disa detaje nga nata e parë e këtij edicioni të “Dancing With The Stars”.

Gjatë bisedës u përmend edhe këngëtari i njohur, Luiz Ejlli, i cili performoi për herë të parë në DWTS kolonën zanore të filmit “Në kuadër të dashurisë”.

E teksa po flitej për fituesin e BB VIP2, Popi bëri një batutë e cila mesa duket nuk është pritur mirë as nga këngëtari dhe fansat e këtij të fundit.

“Dhe do të jetë i shoqëruar nga fisi i gruas”.- u shpreh Eno. Por as ai dhe tjetër nuk e priste bujën e madhe që bëri batuta në fjalë.

Marr shkas nga kjo zhurmë mediatike, dy vëllezërit Donald dhe Romeo Veshaj në bashkëpunim me Olta Gixharin kanë vendosur t’i bëjnë një kamera të fshehtë gazetarit. Çdo gjë filloi kur Olta Gixhari thërret Eno Popin për një kafe.

Teksa si fillim moderatori dha përshtypjet e tij për filmin, ku tha se Sara Hoxha e kishte surprizuar, ai akoma nuk e dinte se çfarë e priste.

Kur Olta e pyet për vajzën e tij aty plani ishte në rrjedhën e duhur, teksa ai i tregon se ajo ndodhet ne Toronto dhe e sheh shumë rrallë, aktorja me të qeshura i thotë: “Aaa! Në Kanada, mos doje të thoje…”-referuar frazës që u tha nga Luiz Ejlli.

Koha kaloi dhe Olta gjen rastin ti tregoj Enos një mesazh kërcënimi që supozohet se e kishte marrë nga fansat e Luizit.

Dhe për ti mbushur mendjen aktorja që është në habitatin e saj fillon dhe i trillon historinë e saj lidhur me ngjarjen.

“Unë jam me urdhër mbrojtje, kam frikë nëse e ke vënë re mua më sjell gjithmonë Dori këtu nuk rri asnjëherë vetëm”, i tha Olta.

Më tej Eno shprehet se e gjitha çka ai kishte thënë ishte keqkuptuar dhe keqinterpretuar:

“Unë e di si e kam thënë dhe jam shumë i qetë!”

Por e gjithë qetësia e Enos prishet kur punonjësja e lokalit e njofton për dëmin ë bërë.

“Makina jote është ajo?”, e pyet ajo dhe Popi i përgjigjet “po”. Më pas ajo shton se “ia kanë shkatërruar”.

Eno del nga lokali dhe përballet me pamjet jo shume të këndshme pasi makina e tij përveç se ishte e mbushur me emra, nuk kishte asnjë nga gomat në vend.

Hidhërimi i tij nuk zgjati shumë sepse Romeo dhe Donaldi nxorën në dritë planin e tyre duke i treguar gazetarit se dëmin ia kishin bëra ata si një kamera e fshehtë.

Nga ana tjetër Eno u shpreh se e kishte kuptuar planin pasi Olta për të ishte shumë e lexueshme. Madje edhe kur Gixhari i tha që të njoftonte policinë, Popi nuk pranoi.