Edison Memolla, kryebashkiak i Rrogozhinës, është marë i pandehur për korrupsion zgjedhor.
Memolla u paraqit në SPAK rreth 1 orë më parë, i shoqëruar nga një avokat mbrojtës, ndërsa i është komunikuar akuza.
Nga raportimet mësohet se akuza ndaj Memollës bazohet mbi një material audio. Sipas këtij materiali audio, Memolla i kërkoi elektriçistit të zonës në Rrogozhinë që të mos i shkëpuste energjinë elektrike një zonje që nuk kishte kryer pagesën e dritave, deri sa të kalonte muaji i zgjedhjeve.
Bëhet fjalë për zgjedhjet e pjesshme të vitit 2022 në Bashkinë e Rrogozhinës, ndërsa në 14 maj 2023 Memolla u rikandidua sërisht nga socialistët.
Nuk dihet nëse ndaj Memollës do të vendoset ndonjë masë sigurie, apo hetimi do të vijojë në gjendje të lirë.
Gjithashtu kryebashkiaku i Rrogozhinës po hetohet edhe për disa punësime fiktive në Bashkinë e Rrogozhinës.
Discussion about this post