Zbardhet dëshmia e Armir Hasajt, 18-vjeçari i arrestuar për plagosjen e një të mituri në Kamëz më 18 tetor.
Hasaj u ka thënë hetuesve se sherri me 16-vjeçarin, me të cilin ka kohë që njihej dhe ishin rritur në një lagje, ka nisur për shkak se i mituri i ka ngacmuar të dashurën.
Fillimisht janë konfliktuar me njëri-tjetrin, pasi kishin lënë që të takoheshin për t’u sqaruar, por debati mes tyre ka degraduar dhe në gjaknxehtësi e sipër ka hapur bagazhin e makinës, ku mbante një armë kallashnikov.
Më pas ai ka qëlluar vetëm një herë në drejtim të të miturit.
Për hetuesit mbetet akoma e paqartë, sesi 18-vjeçari ka arritur të sigurojë armën e krimit, të cilën e mbante në makinë.
Discussion about this post