Një grua shqiptare ka humbur jetën si pasojë e një aksidenti që ndodhi mbrëmjen e së enjtes në Itali.
Viktima është identifikuar si Vilajete Sharka, 67 vjeç.
Aksidenti ndodhi përgjatë rrugës SP 85 që lidh Santa Croce Camerina me Scoglitti.
Në aksident u përfshinë dy automjete, një Toyota Yaris dhe një Fiat 500L. Gruaja 67-vjeçare, me origjinë shqiptare, me banim në Santa Croce Camerina, po udhëtonte në automjetin Toyota Yaris.
Dinamika e saktë e përplasjes së dy makinave ende nuk është zbardhur. Si pasojë e aksidentit janë plagosur edhe 3 persona të tjerë, të cilët u transportuan nga Urgjenca në spitalin Gjon Pali II në Ragusa.
Discussion about this post