Kompleksi “Partizani”, avokatët e Malltezit e Bektashit kërkojnë kohë

Seanca për të akuzuar në lidhje me privatizimin e kompleksit Partizani në Tiranë ka nisur disa momente më parë në GJKKO.

Mësohet se avokatët e Jamarbër Malltezit dhe Fatmir Bektashit kanë kërkuar një periudhë prej 2 orësh për t’u njohur me dosjen.

Në gjykatë si mbrojtës ligjor i ish-kryeminsitrit Sali Berisha është paraqitur Genci Gjokutaj.

Ai tha se procedura që po ndjek gjykata është antiligjore.

“Ky është proces i parregullt ligjor. Në momentin kur zoti Berisha nuk ka marrë vendim, nuk është pjesë e procesit. Këtë ngërç procedural duhet a zgjidhë gjykata. Duhet ta zgjidh organi i procedurës, ata që e bën.”, tha Gjokutaj.

Në njoftimin e SPAK thuhet se nga ana e Sali Berishës është konsumuar vepra penale e “Korrupsionit pasiv të funksionarëve të lartë shtetërore ose të zgjedhurve vendorë”, kryer në bashkëpunim me Jamarbër Malltezi.

Edhe Malltezi akuzohet për veprën penale “Korrupsion pasiv të funksionarëve të lartë shtetërore ose të zgjedhurve vendorë”, kryer në bashkëpunim me Sali Berishën.