GJKKO është tërhequr për të marrë një vendim lidhur me vlerësimin e masës së sigurisë për Jamarbër Malltezin, dhëndrin e ish-Kryeministrit Sali Berisha, dhe ndërtuesin Fatmir Bektashi, lidhur me hetimet për kompleksin Partizani.
Seanca e nisur në orën 18:00 ka zgjatur rreth 90 minuta, ndërsa avokatët e Malltezit kanë pretenduar se ai nuk ka konsumuar vepër penale. Malltezi ka kërkuar ndryshimin e masës së sigurisë, ndërsa të shtunën ai u arrestua teksa ndodhej në aeroportin “Nënë Tereza”.
Ndërkohë ndaj ndërtuesit betkashi është vendosur masa e sigurisë “detyrim paraqitjeje”.
Edhe ndërtuesi Bektashi ka kërkuar përmes avokatëve të tij ndryshimin e masës së sigurisë, ndërsa ndaj tij dhe Malltezit, SPAK ka ngritur akuzat e pastrimit të produkteve të veprës penale dhe korrupsionit.
GJKKO njoftoi më herët se ditën e martë në orën 14:00 do të mbahet seanca në ngarkim të ish-Kryeministrit Sali Berisha, ndaj të cilit është ngritur akuza e korrupsionit pasiv. Berisha ka akuzuar SPAK se ka ndërmarrë veprime në kundërshtim me Kushtetutën, ndërsa nuk dihet nëse ish-Kryeministri do të paraqitet ose jo në GJKKO.
Discussion about this post