Kryeministri Edi Rama ka shprehur kritika ndaj Bashkimit Europian, që e konsideron një partner, lidhur me heshtjen që ka treguar ndaj deklaratave të kreut të republikës Srpska.
Tre ditë më parë Milorad Dodik u shpreh se këtë shekull “serbët duhet ta kenë një shtet të vetëm”, pjesë të së cilit, sipas tij, duhet të jenë edhe Kosova, Mali i Zi dhe Bosnje Hercegovina.
Në platformën X, Edi Rama shprehet se është i befasuar nga mungesa e reagimit të deritanishëm nga BE ndaj një deklarate që e konsideron të rrezikshme dhe nxitëse.
“Kanë kaluar tre ditë që nga deklaratat e rrezikshme dhe nxitëse kundër Bosnje-Hercegovinës, Kosovës dhe Malit të Zi. Duhet të rrëfej, jam i befasuar nga mungesa e reagimit të deritanishëm nga partnerët tanë të BE-së dhe sinqerisht shpresoj që kjo heshtje të thyhet sa më shpejt!”, shprehet Rama.
Discussion about this post