Një ngjarje e rëndë ka ndodhur mbrëmjen e së dielës pas përfundimit të ndeshjes midis Hajduk Split dhe Dinamo Zagreb, e cila përfundoi me rezultatin 2-0në stadiumin “Maksimir”. Pas përfundimit të kësaj sfide, në rrugët e Zagrebit, ka pasur akte vandalizmi dhe dhune.
Sipas raportimeve të ‘Blic Sport’ në orën 22:00, policia kishte rrethuar konviktin studentor ‘Stjepan Radiq’ në Zagreb me katër makina dhe 10 deri në 15 policë, për shkak të denoncimit se tifozët e Dinamo Zagreb, “Bad Blue Boys” kanë hyrë aty dhe kanë sulmuar fizikisht studentët.
Më tej raportohet se anëtarët e grupit të tifozëve “Bad Blue Boys”, të njohur jo vetëm si mbështetës të Dinamo Zagreb, por edhe për aktet e tyre të dhunshme, janë ngjitur mbi gardhin e konvikteve dhe kanë sulmuar studentët dhe më pas janë larguar.
“Mendoj se kanë ardhur këtu, sepse e dinë që askush nuk është nga Zagrebi në konvikt dhe ata kanë dashur të hakmerren”,- u shpreh një student për “Jutarni”. Ndërsa më tej shtohet se mund të jenë arrestuar 10 deri në 15 persona./Gijotina.com
Discussion about this post