Ndërtesa përfshihet nga flakët, të paktën 25 viktima

Të paktën 25 persona kanë vdekur pasi një zjarr shpërtheu në një ndërtesë në veri të Kinës, raportojnë mediat shtetërore.

Zjarri në ndërtesën katërkatëshe në qytetin Luliang, provincën Shanxi shpërtheu rreth orës 07:00 me orën lokale të së enjtes.

Nga dhjetëra të evakuuar nga ndërtesa e përbashkët e industrisë së qymyrit Yongju, 51 persona u dërguan në spital.

Operacionet e shpëtimit po vazhdojnë edhe pse zjarri është nën kontroll, sipas mediave shtetërore.

Videoja e postuar në platformën kineze të mediave sociale Ëeibo tregoi flakë dhe tym të dendur që dilte nga ndërtesa.

Zjarri shpërtheu në një provincë që është prodhuesi më i madh i qymyrit në vend.

Aksidentet industriale, të cilat mund të rezultojnë në zjarre, janë të zakonshme në Kinë për shkak të standardeve të dobëta të sigurisë.

Në prill, 29 persona vdiqën në një zjarr në spital në Pekin.

Tetorin e kaluar, një shpërthim në një restorant barbekju në provincën veriperëndimore Yinchuan vrau 31 njerëz.