Nëntë fëmijë dhe dy gra janë në listën e pengjeve që do të lirohen nga Hamasi sot si pjesë e marrëveshjes fillestare të armëpushimit me Izraelin në Rripin e Gazës, sipas informacioneve të cituara nga mediat izraelite.
Më herët, zyra e Netanyahut njoftoi se autoritetet izraelite kishin informuar familjet e pengjeve që do të liroheshin në orët në vijim, pasi marrëveshja fillestare me Hamasin u rikthye në rrugën e duhur pas mosmarrëveshjeve të mëparshme.
Një zyrtar izraelit i tha më herët The Times of Israel se Hamasi po përpiqej të ndante nënat nga fëmijët e tyre në lirimin e sotëm, të cilin Jeruzalemi duket se ka arritur ta parandalojë.
Sipas të njëjtave burime, dy gratë që do të lirohen janë nëna të disa prej fëmijëve që Hamasi do t’i lirojë sot
Nuk ka pasur asnjë deklaratë zyrtare izraelite që konfirmon këto shifra.
Mediat hebraike shtuan se pengjet e liruar janë nga Kibbutz Nir Oz, komuniteti më i goditur gjatë masakrës së 7 tetorit.
Discussion about this post