Liridona Murseli, 33 vjeç, u ekzekutua mbrëmjen e së mërkurës në rrugën “Dalip Alshiqi” në Prishtinë.
E ndjera është gruaja e Naim Murselit, këshilltarit të ish-presidentit të Kosovës, Behgjet Pacollit, ku fillimisht u dyshua se çifti së bashku me fëmijët u përballën me disa grabitës, të cilët ua morën sendet me vlerë dhe më pas kanë shtënë me armë, duke lënë të vdekur Liridonën.
Hetimet e Policisë kanë zbardhur detaje nga skena e krimit, duke çuar në arrestimin e Naim Murselit, si dhe të Granit Plava.
Sipas informacioneve të para, bazuar në dëshminë e të dyshuarit për vrasjen e Liridona Murselit, ai është paguar nga bashkëshorti i saj, tashmë i arrestuar, Naim Murseli.
Nga raportimet mësihet se Plava, në rolin e ekzekutorit, ka pohuar se Murseli i ka dhënë 30 mijë euro për ta kryer aktin e vrasjes
Policia e Kosovës ka konfirmuar se janë arrestuar dy persona të dyshuar për vrasjen e Liridona Murselit.
Ata janë të dyshuar për vrasje në bashkëpunim dhe inskenim i grabitjes.
Discussion about this post