Aeroporti i Mynihut do të pezullojë sërish fluturimet për shkak të motit të keq. Sipas një zëdhënësi të aeroportit, fluturimet do të pezullohen nga ora 6:00 deri në orën 12:00.
Në total mbi 300 fluturime janë anuluar si pasojë e motit të keq. Sipas informacioneve, aeroporti dëshiron që fluturimet të nisin nga mesdita. Megjithatë, orari i fluturimeve me siguri do të jetë akoma i kufizuar në orët e pasdites.
Ndërkohë për shkak të kufizimeve, 1,500 pasagjerë ishin ende të bllokuar në aeroport të hënën në mbrëmje. Ndër të tjera, ata kaluan natën në shtretërit e kampit në aeroport.
Reshjet e dendura të borës kanë ndikuar dhe në trafikun rrugor dhe hekurudhor. Deutsche Bahn (DB) pret ndërprerje të vazhdueshme në Bavari, me efekte që zgjatën deri në mes të javës, veçanërisht në Baden-Württemberg dhe drejt Zvicrës.
Udhëtarëve iu kërkua të shtyjnë udhëtimet jo thelbësore deri më 6 dhjetor. Stacioni Qendror i Mynihut, për shembull, ishte funksional vetëm në një masë shumë të kufizuar të hënën.
Discussion about this post