E rëndë në Itali, shqiptari dhunon gruan dhe tenton ta godasë me çekiç

Një tjetër rast dhune është konstatuar në Itali. Burime bëjnë me dije se një 38-vjeçar me origjinë shqiptare është arrestuar nga karabinierët pasi ka sulmuar dhe kërcënuar me jetë gruan e tij. Ngjarja ndodhi dje në Brugherio (Monza), në sy të tre fëmijëve të tij të vegjël.

“Do të të djeg të gjallë”, i tha i shoqi duke e ndjekur me çekiç pasi e shtyu dhe e goditi.

Gruaja 32 vjeçe, u ndihmua nga fqinjët të cilët duke dëgjuar britmat e saj, ndërkohë kishin telefonuar policinë.

Pas këtij episodi shqiptari është arrestuar dhe pritet të dënohet.