Lideri i opozitës ruse Alexei Navalny është gjetur sërish pas 20 ditësh mungesë.
Zëdhënësja e tij tha se Navalny po mbahet në zonën penale IK-3 në Siberi, në rajonin Yamalo-Nenetsky. “Avokati i tij e pa, ai është mirë”, ka shkruar zëdhënësja në Telegram.
Ai ishte zhdukur që nga 6 dhjetori, kur autoritetet e transferuan nga burgu në të cilin ishte i burgosur.
Por këtë herë burgu është qindra kilometra larg Moskës.
IK-3 është një nga zonat penale më të izoluara në Rusi, me kushte jashtëzakonisht të vështira, raporton BBC.
Në vitin 2020, ndërsa ai ende organizonte mitingje kundër korrupsionit të regjimit, kishin tentuar ta helmonin. Ai u shtrua në spital për disa muaj në Gjermani dhe u shërua. Ai u kthye në Rusi në vitin 2021 dhe u arrestua me mbërritjen e tij në vend.
Discussion about this post