Një nga autorët e dyshuar për grabitjen e dhunshme të biznesmenit Nazmi Çangu në Nikël, është liruar nga akuza, për mungesë provash. Bëhet fjalë për Saimri Kuçin i cili u ndalua nga Policia e Shtetit më 5 nëntor 2021, por pas shqyrtimit të provave, ai është detyruar qe të lihet i lirë.
Kuçi u ndalua pasi në banesën e tij, Policia sekuestroi 0.9 gram hashash, bllokues valësh dhe një palë pranga, por nuk ishin të mjaftueshme. Në dosjen e përgatitur nga hetuesit e dosjes, nuk ka pasur asnjë gjurmë gishti apo provë që ta implikonte atë në grabitjen me dhunë. Dyshohet se Kuçi se bashku me 6 persona të tjerë dyshohen si grabitës të biznesmenit Nazmi Çangu në Nikël të Fushë- Krujës më datë 24 tetor 2021.
Grabitja
Ngjarja e rëndë që terrorizoi mbarë opinionin publik ndodhi më 24 tetor të këtij viti në Fushë-Krujë, ku biznesmeni u dhunua për disa orë dhe më pas në banesën e tij u morën sende me vlerë dhe shuma lekësh.
Ndërkohë është shpallur në kërkim një person që kamuflohet me tre mbiemra Artan Kurti (Lleshi, Prenga), i cili dyshohet si kreu i grupit kriminal si dhe 6 të tjerë, mes tyre vëllai i Saimir Kurtit, Artan Kurti dhe Llesh Prenga.
Gjatë kontrollit të këtyre banesave, në cilësinë e provës materiale janë sekuestruar: 14 telefona, një palë pranga, armë të ftohta, lëndë narkotike, 1 bllokues valësh, pajisje elektronike, detektor për kërkim sendesh të çmuara, një maskë bashkë me doreza, ora të markave të ndryshme me vlerë, bizhuteri floriri, dhe koleksion monedhash (60 monedha të vjetra të shteteve të ndryshme).
Discussion about this post