Mbrojtësi 29-vjeçar anglez Eric Dier do të transferohet te Bayern Mynih këtë janar.
Kampionët e Gjermanisë kanë arritur një marrëveshje me Tottenhamin për transferimin e lojtarit, që në Mynih do t’i bashkohet ish-shokut të tij të skuadrës Harry Kane.
Bavarezët do të paguajnë 4 milionë euro për këtë transferim, një shumë më e ulët se vlera e lojtarit, por kjo ndodh për shkak se ai niste muajt e fundit të kontratës me Spurs, që skadon në fund të qershorit.
Mediat sqarojnë se Dier ka udhëtuar direkt për në Mynih për të kryer vizitat mjekësore.
Trajneri Thomas Tuchel e ka aprovuar këtë blerje, teksa e konsideron Dier një mbrojtës me përvojë.
“Ai ndodhet në qytet dhe po sot do të hidhen firmat në kontratë. Është një specialist në mbrojtje, por mund të luajë edhe në mesfushë. Një lojtar që na duhej”, tha Tuchel.
Discussion about this post