Genoa e Shevchenkos nuk ngre ‘kokë’, këtë herë është Sampdoria që i rrëmben tre pikë në shtëpi

Është mbyllur përballja e javë së 17-të në Seria A, ku kjo mbrëmje rezervoi përballjen mes Genoas dhe Sampdorias, ndeshje që u fitua nga këta të fundit me rezultatin 3-1.

Skuadra e legjendës së Milanit, Andri Shevchenko nuk ia doli dot ti bëjë ballë furisë së Sampdorias, të cilët arritën të tundin tre herë rrjetën e Genoas, kontrollin e lojës që e morën që në minutën e 7’ me golin e Gabbiadinit.

Të zotët e shtëpisë arritën të shënonin vetëm një herë në minutën e 78’, me shifrat që u ngushtuan në 3-1, por pa mundur të bëjnë më shumë se kaq, me rezultatin që mbeti i pandryshuar deri në përfundimin e këtij takimi.

Me marrjen e tre pikëve nga ky takim, Sampdoria ngjitet në vendin e 14-të në renditjen e përgjithshme të Seria A me 18 pikë, ndërsa Genoa në vendin e parafundit, atë të 19-të me 10 pikë duke thelluar Akoma më shumë krizën e rezultateve me humbjen e tretë radhazi.