Reshjet e dendura të shiut kanë krijuar edhe sot probleme në qarkullimin e mjeteve në disa aksve të vendit. Burime për gijotina.com bëjnë me dije se një rrëshqitje gurësh dhe dherash ka ndodhur mëngjesin e sotëm në aksin rrugor Tepelenë- Memaliaj, në vendin e quajtur Iliras.
Policia ka shkuar në vend dhe ka nisur paralajmërimin e shoferëve për të kaluar me kujdes, ndërkohë që punonjësit e rrugëve kanë nisur pastrimin.
Parashikohet që vetëm orët e vona të pasdites të përmirësojnë disi kushtet e motit duke bërë që herë pas herë të ketë pauzë të reshjeve. Temperaturat e ajrit mbeten konstante në mëngjes por ulen në mesditë duke bërë që vlerat ditore të luhaten nga -2°C deri në 13 °C. Era do të fryjë mbetet e fortë në tokë dhe në det me shpejtësi 65km/h nga drejtimi Jugor-Jugperëndimor duke krijuar në brigjet detare dallgë mbi 5 ballë.
Discussion about this post