Mbështetësit e kreut aktual të PD, Lulzim Basha kanë vënë në punë çdo mekanizëm për të minimizuar numrin e demokratëve që do t’i bashkohen kuvendit të Berishës.
Mësohet se, delegatëve të PD-së i ka mbërritur në telefon një mesazh për bojkotimin e Kuvendit të ish-kryeministrit. “SHBA nuk bashkëpunon me Berishën,” thuhet në mesazh.
Qytetari shprehet para kamerave se nuk e di nga i ka ardhur mesazhi, ndërsa e cilëson një shenjë frike nga ata që nuk mund të përballen me realitetin.
“Kjo është një shenjë frike për ata që kanë frikë nga realiteti, nga e vërteta. Deri dje ishte Basha, nuk bën, ik o vëlla vjen Sali Berisha. Ai ka dhënë prova, Sali Berisha.”
Ndërkohë ai kishte dhe një mesazh për Lulzim Bashën, ku dhe komentoi deklaratën e sekretarit të Përgjithshëm Gazment Bardhi se kanë grumbulluar mbi 500 firma për 18 dhjetorin.
“Duhet të kishte dhënë dorëheqjen, ai çdo gjë e ka marrë personale. Nëse e ka shumicën le ta mbajë, nëse Doktor Berisha ka shumicën ai të hapë rrugën. Bardhit ia ka bërë llogarinë dhe shumëzimin Lulzim Basha, 7×7=42”, tha demokrati.
Discussion about this post