Këngëtari i njohur, Sardi Strugaj, është përfolur shumë se mund të jetë pjesë e këtij edicioni të “Big Brother VIP”. Madje edhe ai vetë i ka ngacmuar herë pas here fansat e tij me postimet që bën në rrjetet sociale.
Ditën e sotme ai ishte i ftuar në studion e “Wake Up”, ku foli rreth kësaj teme. Sardi u shpreh se edhe prindërit e tij nuk e kanë besuar që ai nuk do të futej në shtëpinë më të famshme në Shqipëri.
“Në portale e kam parë dhe unë emrin tim. Fillimisht kanë filluar aty dhe edhe prindërit e mi nuk e besonin që nuk do të futesha. Big-u ka filluar më datë 13, isha me pushime dhe ata menduan se isha te kjo pjesa që izolohesh para se të futesh. Më datë 13, unë nuk e kam ndjekur hapjen e Big-ut, kam shkruar rreth 1 orë e gjysmë më vonë në shtëpi dhe ishin shumë të merakosur. E kur shkova unë ishin shumë të lumtur që u futa në shtëpi. Pastaj e kam kthyer në shaka, edhe këto “Story-t” që thotë Enxhi. E kam kthyer në shaka me publikun, duke qenë se njerëzit nuk po më besonin”, tha fillimisht Sardi.
Ndërsa i pyetur nëse do i pëlqente që t’a provonte si eksperiencë, këngëtari i njohur u përgjigj:
“Do të doja shumë që ta kisha provuar si eksperiencë, por nuk e provoj në këtë pikë që jam”.
Teksa i thanë se mund të bëhet pjesë e edicionit të katërt të BB VIP, Sardi u shpreh:
“Do shohim. Mund të futem edhe në shkurt. Do vazhdoj ta lë të hapur se njerëzit nuk më besojnë kur them se nuk do futem. Kështu që po i lë të hapura të gjitha dyert”.
Ndërkohë i pyetur “a të mungon “Dancing With The Stars”?”, Strugaj tha:
“Më mungon shumë “Dancing With The Stars”. Është eksperiencë shumë e bukur, unike, që nuk kthehet më. Kam nostalgji”.
Discussion about this post