Hetimi për sterilizimin, Beqaj paraqitet në SPAK

Ilir Beqaj, ish-ministër i Shëndetësisë, i cili po hetohet për konçesionin e sterilizimit, është paraqitur pasditen e sotme në SPAK.

Beqaj paraqitet në SPAK çdo të premte në orën 15:30, bazuar në një vendim të GJKKO që ka caktuar ndaj tij masën e sigurisë “detyrim paraqitje” dhe ndalim të daljes jashtë vendit.

Beqaj është pyetur në të paktën dy seanca që kanë zgjatur rreth 8 orë secila lidhur me koncensionin e sterilizimit, ndërkohë që nga raportimet mësohet se ndaj tij ka nisur edhe një hetim i thelluar mbi pasurinë.