Reshjet e borës në Bulqizë, shkëputje të energjisë elektrike që në mëngjes

Dëbora e rënë në rrethin e Bulqizës ka krijuar problematika në disa rrugë rurale si dhe ka shkaktuar ndëprerje të energjisë elektrike.

Në njësitë administrative Ostren, Zerqan, Fushë Bulqizë, Trebisht si dhe në disa fshatra të njësive Martanesh dhe Shupenzë lëvizja e automjeteve është mjaft e vështirë për shkak të ngricës dhe borës. Moti i keq ka bërë që të ketë ndërprerje të energjisë elektrike në në Ostren, Fushë-Bulqizë, ku energjia mungon që prej mëngjesit. Probleme me furnizimin e energjisë elektrike ka dhe në Lagjen e re të Bulqizës. Në Bulqizë, trashësia e borës varion nga 10 cm deri në 40 cm.