Java e 15-të në Bundesligën gjermane vuri përballë këtë fundjavë Bayern Munich kundër Mainz, ku miqtë e nisën shumë mirë këtë takim duke arritur të shënojnë që në minutën e 22’ me Onisiwo, gol që ishte vendimtar edhe në rezultatin e pjesës së parë që u mbyll në shifrat 1-0.
Bayerni i Nagelsmann u mobilizuar pjesën e dytë, ku gjeti ‘marshin’ e munguar, duke barazuar shifrat në fushë në minutën e 53’ me Coman, ndërsa goli i avantazhit do të vinte në minutën e 74’ me Musialën, që me shifrat që shkuan në 2-1 arrin të ‘përmbysë’ situatën në Allianz Arena, duke mos i lejuar ndjekësve të Borusia Dortmundit kënaqësinë e afrimit me pikë në renditjen e përgjithshme.
Në përfundim të këtij takimi, Bayern Munich forcon pozitat në krye të renditjes me 37 pikë, ndërsa Dortmundi këtë fundjavë në ndeshjen në transfertë që kishte kundër Bochum, nuk arriti të shkojë përtej barazimit 1-1, ku u nda me vetëm një pikë nga kjo përballje, duke qëndruar në vendin e dytë të renditjes me 31 pikë.
Discussion about this post