Parandalohet vrasja në Durrës, i riu kërcënonte me armë bashkëjetuesen

Një ngjarje e rëndë është parandaluar në Durrës, ku një 32-vjeçar ka tentuar të vrasë me armë bashkëjetuesen e tij.

Mësohet se, pas informacionit se një grua ishte e traumatizuar dhe kërkonte ndihmë pasi po e kërcënonte për ta vrarë bashkëjetuesi i saj, polica ka ndërhyrë duke parandaluar vrasjen dhe arrestuar
L. D. alias K., 32 vjeç, lindur në Burrel dhe banues në Durrës, për veprën penale “Vrasje me paramendim për shkak të marrëdhënieve familjare”, mbetur në tentativë dhe “Armëmbajtja pa leje”.

Personi në fjalë ishte dënuar më parë për vepra të ndryshme penale, dhe në momentin e arrestimit mbante me vete një armë të llojit pistoletë me krehër me 8 fishekë, me të cilën do të kryente krimin.

Nga veprimet hetimore të kryera, u bë e mundur kapja dhe arrestimi në flagrancë për veprën penale “Armëmbajtja pa leje A. K., 35 vjeç, lindur në Burrel dhe banues në Durrës, vëllai i autorit.

Nga kontrolli i banesës iu gjetën dhe sekuestruan në cilësinë e provës materiale një armë zjarri automatik kallashnikov dhe 23 fishekë.