Tërhiqet gruaja: Burri nuk më ka dhunuar, kamerat i vura vetë

Në një komunikim me gazetarët, bashkëshortja e 34-vjeçarit Asqeri Mandri, ka mohuar deklaratën që ka bërë në polici ku shprehej se prej disa kohësh dhunohej dhe mbahej e vëzhguar me kamera nga bashkëshorti i saj.

Ajo shprehet se kamerat i ka vendosur vetë dhe se nuk ka qenë asnjëherë i dhunuar nga i shoqi.

E pyetur se përse e ka denoncuar dhe ka deklaruar të kundërtën në polici, ajo u shpreh: Nuk kam qenë mirë nga trutë e kokës!

Mësohet se kamerat e sigurisë ishin vendosur në çdo dhomë, si edhe jashtë banesës.

Ka qenë kjo e fundit që ka denoncuar në polici 34-vjeçarin, i cili u vendos në pranga ditën e sotme (6 Shkurt).

Asqeri Mandri mësohet se sapo ishte kthyer nga Gjermania. Çifti ishin prindër të 4 fëmijëve dhe jetonin në zonën e Kodër-Institut.