Ish-kryeprokurori Adriatik Llala ka rënë sot në prangat e policisë në Itali pasi ishte shpallur në kërkim ndërkombëtar për “korrupsion” me pasoja të rënda.
Në njoftimin e uniformave blu bëhet me dije se arrestimi ish-zyrtarit të njohur së fundmi për arratisjen e tij nga vendi është bërë në Romë me qëllim ekstradimi drejt vendi tonë.
Theksojmë se Llalla është shpallur në kërkim ndërkombëtar nga ZQK Interpol Tirana, pasi Gjykata e Posaçme e Shkallës së Parë për Korrupsionin dhe Krimin e Organizuar e ka dënuar me 2 vite burg, për veprën penale “Refuzimi për deklarim, mosdeklarimi, fshehja ose deklarim i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrim ligjor për deklarim”.
Historia e kryeprokurorit që nuk dënoi asnjë zyrtar
I konsideruar si i dënuari i parë VIP, Adriatik Llalla për 5 vite mbajti postin e Kryeprokurorit, por do të mbahet mend si prokurori që nuk dërgoi asnjë zyrtar para drejtësisë edhe pse dosjet në zyrën e tij ishin me dhjetëra.
Pasi u largua nga detyra, ndaj tij nisi një hetim për disa vepra penale, por që në fund përfundoi në gjykatë për fshehje dhe mosdeklarim pasurie. Prej më shumë se dy vitesh beteje me prokurorinë dhe gjykata, Llalla u dënua nga Apeli i Posaçëm me dy vite burg dhe konfiskim të pasurive, lënie në fuqi të vendimit të Shkallës së Parë.
Pas arratisjes së bujshme, me ekstradimin e tij në Shqipëri, Llalla do të përballet me drejtësinë ku do të vuajë dënimin me burg për përfshirjen në afera të rënda korrupsioni.
Discussion about this post