Përçarja mes ish-kryeministrit Sali Berisha dhe kreut aktual të PD-së Lulzim Basha sa vjen e thellohet. Pas deklaratës së Bashës, i cili e quajti Berishën si ish-komunist që nuk ka burrëri ka ardhur dhe reagimi i këtij të fundit. Berisha përmes një statusi në rrjetet sociale shkruan se burri i vërtetë ka vetëm një jetë, por besëprerëve nuk i mjaftojnë as 10 të tilla për tu bërë burrë.
“Burri ka vertet 1 jete me u korit por besprerit nuk i dalin as 10 jete te behet burre!”, shkruan Sali Berisha.
Basha e krahasoi lëvizjen e Berishë sot për të hyrë në selinë blu sëbashku me mbështetësit e tij si një zell i pangordhur i një ish-komunisti.
“Kjo është një situatë jashtëzakonisht e vështirë. Përballë njerëzve me precedentë kriminale që solli Sali Berisha, duke na kujtuar 97, me zellin e pangordhur të një ish-komunisti. Me gjithën e mashtrimeve dhe gënjeshtrave dhe me shpresën e vdekur se mund të marrë peng PD. Apo t’i kthejë ata në një batalion non-grata të vetes dhe familjes ë tij non-grata nga SHBA. Ky ishte spektakël i shëmtuar i së kaluarës”, tha Basha.
Discussion about this post