Ish-kryeministri Sali Berisha ka komentuar reagimin e Edi Ramës për zhvillimet e brendshme të Partisë Demokratike. Sipas tij kjo që po ndodh me PD-në është një revolucion që ka dëshpëruar Ramën, duke bërë që ai të humbasë gjumin dhe qetësinë.
“Dëshpërim i tmerrshëm. Kjo që po ndodh e tmerron Edi Ramën. Njeriu që ka humbur gjumin dhe qetësinë. Nuk është vetëm pengu i tij, por është pengmarrës Rama. Kjo është një lëvizje absolutisht më e fuqishmja në historinë e këtij vendi që drejtohet e tëra kundër diktaturës së bazuar në drogën, krimin, korrupsionin. Kundër narkoshtetit që ka kryemeduzën Edvin Kristaq Rama. Rama e ka të qartë që është një revolucion. Dhe ky revolucion nuk pyet, të merr përpara”, tha Berisha.
Edi Rama shpërndau në Instagram një status ku ironizoi përplasjet mes Bashës dhe Berishës për drejtimin e Partisë Demokratike.
Thënie e ditës. Sipas meje aty brenda kanë qenë gjithnjë dy të marrë, njeri që nuk do asgjë më shumë se sa të rrijë aty ku është dhe tjetri që e gënjen mendja se jeta e tij, pak më tutje, do të bëhet një çikë më pak e hidhur. Samuel Beckett”, shkruajti Rama.
Discussion about this post