U plagos nga shpërthimi në Lushnje, deputeti ka dëmtime në abdomen/ Ja ç’thotë mjeku

Deputeti i Partisë Socialiste, Bujar Çela, i cili mbeti i plagosur pas shpërthimit në një magazinë në pronësi të tij në Lushnje ndodhet në Spitalin e Traumës në Tiranë dhe aktualisht po i nënshtrohet një ndërhyrje kirurgjikale.

Mjeku i Spitalit të Traumës tha se deputeti është ri-egzaminuar dhe është futur në sallë, pas disa dëmtimeve në pjesën e barkut.

Mjekët thanë se deputeti është në gjendje stabël dhe se ndërhyrja do të kërkojë kohë. Nga të dhënat, mësohet se deputeti ka politraumë.

“Ndërhyrja do të zgjasë në kohë, pasi ka cifla në trup të cilat duhet të hiqen. Ka dëmtime në pjesën e barkut, në abdomen”, tha mjeku i Traumës.