Manchester City luan mbrëmjen e sotem ndeshjen e kthimit e vlefshme për 1/8 e Champions League ndaj Copenhagen.
Manchester City do të kërkojë sot të arrijë çerekfinalen e shtatë radhazi të Ligës së Kampioneve.
“Qytetarët” kanë regjistruar shtatë fitore nga shtatë ndeshjet e deritanishme në Champions këtë sezon, ndërsa kanë gjithashtu 9 fitore radhazi në kompeticion.
Copenhageni është kualifikuar në raundin e 1/8- ave vetëm për herë të dytë në historinë e tyre.
City po bën paraqitjen e 11-të radhazi në fazën me eliminim direkt të Ligës së Kampioneve, ndërsa i kanë fituar gjashtë paraqitjet e tyre në këtë fazë.
Pesë përballje ka Mançester Siti me Kopenhagenin në histori, ndërsa ndaj rivaleve daneze “qytetarët” kanë luajtur katër ndeshje të tjera. Bilanci i anglezëve në ndeshjet me eliminim kundër ekipeve daneze është tre fitore, zero humbje.
Kjo është prezenca e 13-të e Mançester Sitit në Champions. Ata kanë marrë pjesë në kompeticionin që fituan për herë të parë sezonin e shkuar në çdo sezon, duke nisur nga 2011-12 dhe kanë arritur në fazën e 1/8-ave në secilën prej 11 sezoneve të fundit.
Manchester City nuk ka humbur një ndeshje europiane që prej asaj në kohën shtesë kundër Realit të Madridit në gjysmëfinalen e dytë të sezonit 2021-22.
Discussion about this post