Disa raportime mediatike dhe më pas ish-kryeministri Sali Berisha kanë publikuar disa dokumente që pretendojnë se Tedi Malaveci, drejtuesi aktual i Dhomës Kombëtare të Përmbaruesve Gjyqësorë, është i dënuar me një vit burg për trafik droge nga gjykata e Utrehtit në Holandë.
Në një reagim në “Facebook”, Berisha publikon një mesazh për të cilin tregon se ka ardhur në adresë të tij. Sipas Berishës, dërguesi shprehet se Malaveci bashkëpunon me Olsi Ramën në trafik droge dhe për këtë arsye, ministri i Drejtësisë Ulsi Manja e mban në krye të Dhomës së Përmbaruesve Privatë.
“Trafikanti Malaveci në krye të përmbarimit! Ai peshon në drogë Ulsi Manjën dhe është bashkëpunëtor i Olsi Ramës”, shkruan Berisha.
Ndërsa në mesazhin e shkuar në adresë të tij, denoncohet:
“Tedi Malaveci drejtuesi aktual i Dhomës Kombëtare të Përmbaruesve Gjyqësorë është një përson i dënuar për trafik droge me një vit burg nga gjykata e Utrehtit. Por ka fshehur denimin dhe Ulsi Manja e mban ende ne detyre sepse ndajne para sebashku Malaveci bashkepunon me Olsi Ramen ne trafik Droge dhe per kete arsye Ulsi Manja e mban ne krye te dhomes se permbaruesve privat Keto jane foto te vendimit te gjykates se Utrehtit ne Hollande.
Foto e pare eshte foto e vendimit orgjinal kurse fotot e tjera jane foto te perkthyera ne shqip. Në vendimin e gjykatës që shihni në foto thuhet se në vitin 1997 Tedi Malaveci rezulton si një person që është dënuar me 1 vit heqje lirie me vendim të formës së prerë nga Gjykata Qëndrore e Utrehtit në Hollandë dhe ka vuajtur dënimin në burgun e sigurisë së zakonshme nga data 21 Maj 1997 deri në 26 gusht 1997, për veprën penale të trafikimit të substancave narkotike me emrin, Teodor Malaveci”.
Discussion about this post