Dy raste dhune janë evidentuar gjatë 24 orëve të fundit në Tiranë.
Specialistët për Hetimin e Krimeve të Komisariatit të Policisë Nr. 3 kanë arrestuar një 46-vjeçar.
Blutë njoftojnë se 46-vjeçari, i cili identifikohet me inicialet G. Sh., 46 vjeç, është vënë në pranga pasi ka ushtuar dhunë ndaj bashkëshortes së tij dhe dy fëmijëve të tyre të mitur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Po ashtu, policia në Tiranë ka arrestuar një 21-vjeçar, pasi ka qëlluar me grusht një punonjës të OSHEE-së.
Efektivët ne kryeqytet shprehen se goditja me grusht e punonjësit të OSHEE-së ka ndodhur për shkak të detyrës.
“U arrestua A. Gj., 21 vjeç, banues në Tiranë, pasi në rrugën “Jordan Misja”, ka goditur me grusht një punonjës të OSHEE-së, për shkak të detyrës”, thuhet në njoftimin e policisë.
Discussion about this post