Bardhi e denoncoi, anulohet votimi në seancën plenare të 7 Marsit

Sekretariati i Etikës anulon votimin e 7 Marsit në Kuvend.

Kërkesa ishte bërë nga grupi parlamentar i PD për të shpallur të pavlefshëm votimet e kryera në seancën plenare të 7 marsit, pas denoncimit që pati bëre kreu i grupit parlamentar demokrat, Gazmend Bardhi, menjëherë pas votimit në seancën plenare.

Grupi i PD-së pretendoi se të gjitha ligjet e votuara në seancën e 7 marsit duhet të shpalleshin të pavlefshme, për shkak se nuk ishte plotësuar kuorumi i nevojshëm në Kuvend, pasi në sallë votuan vetëm 68 deputetë, ndërkohë që duheshin 71.

Ligjet do miratohen në seancat e ardhshme, ku është edhe ai për investimet Strategjike.

Projektligjet që u votuan në seancën e 7 marsit janë projektligji “Për investimet strategjike”, “Për burimet ujore”, ndryshimet në ligjin “Për Turizmin”, projektligji për Mbrojtjen e Konkurrencës si dhe disa ndryshime në ligjin “Për arsimin dhe formimin profesional”.

Deputeti demokrat Saimir Korreshi ka reaguar pas anulimit të votimin në Sekretariatin e Etikës.

“Sot është një fitore e vogël në dukje por arroganca si janë bërë këto votime.

Do verifikojmë të gjitha votimet sepse të tilla vendime mund të jenë marrë edhe më parë”, u shpreh ai