Vrasja e 18-vjeçarit, shoqërohen 4 personat e përfshirë

në Aktualitet

Kohë leximi: 2 min

Policia e Tiranës ka shoqëruar 5 personat e përfshirë në ngjarjen e mbrëmshme ku u vra me thikë një 18-vjeçar.

Detajet e ngjarjes:

Janë zbardhur detaje të reja nga ngjarja e rëndë e regjistruar mbrëmjen e djeshme në Tiranë, ku u vra me thikë 18-vjeçari Aurelio Dervishi, pas një sherri mes disa të rinjëve. Ngjarja e rëndë është regjistruar rreth orës 21:50 të së dielës, tek rrethi i Shkozës.

Një prej shokëve të viktimës, pas shoqërimit në komisariat, ka rrëfyer se si nisi sherri që solli krimin e rëndë. Sipas tij, gjithçka ishte një konflikt i çastit, ku dy grupet e të rinjëve që po udhëtonin me dy automjete të ndryshme kanë nisur sherrin pas fjalëve “Ç’a ke që shef?”.

Dy makinat kanë ndaluar afër rrethit të Shkozës dhe aty janë konfrontuar fizikisht, ku 18-vjeçari është goditur me thikë në gjoks, ku ka mbetur i plagosur rëndë. Ai është tentuar të dërgohet me urgjencë për ndihmë mjekësore, por nuk ka arritur dot t’u mbijetojë plagëve të marra dhe ka ndërruar jetë rrugës për në spital.

Aurelio Dervishi ishte pasagjer në automjetin tip “Audi”. Shoferi i mjetit ku ndodhej viktima ka deklaruar se nuk i njihte autorët. Nga të dhënat paraprake mësohet se agresorët i kanë bërë shenjë makinës ku lëvizte viktima, Aurelio Dervishi, por shoferi fillimisht nuk është bindur.

Pas krimit të rëndë, mësohet se autorët me automjet tip “Tiguan” dyshohet se janë larguar drejt Unazës Lindore. Në makinën e autorëve tip “Volkswagen Tiguan”, ngjyrë gri, dyshohet se ndodheshin 5 persona, për të cilët Policia e Tiranës po punon për kapjen e tyre.

Policia ka ngritur disa postblloqe për kapjen e autorëve, por deri më tani nuk ka rënë në gjurmët e tyre. Grupi hetimor po punon për sqarimin e plotë të rrethanave të ngjarjes

Etiketa: Kryesore1