Sot do të luhen dhe dy ndeshjet e tjera që mbyllin javën e 30-të në Superligën shqiptare. Tirana do të luajë përballë Skënderbeut në Korçë. Bardhebluve i ndalohet hapi fals nëse duan të besojnë deri në fund te “Final 4”.
Dy skuadrat që janë rivale direkte për vendin e katërt do të luftojnë në fushë vetëm për fitore.
Nga ana tjetër, ndeshje interesante pritet të jetë dhe ajo në “Arenën e Demave”, ku Erzeni pret Egantian. Dy ekipe me objektiva tërësisht të ndryshëm do të matin forcat vetëm për 3 pikët. Ekipi nga Shijaku do të tentojë deri në fund tek mrekullia për të shpëtuar këtë sezon, ndërsa Egnatia synim ka të shkëputet edhe më shumë në krye të tabelës.
Të dyja takimet do të luhen sot, duke nisur prej orës 18:00.
Discussion about this post