Gjendja e ujit të kolektorit ka ngritur në protestë banorë të fshatrave Povelcë dhe Darëzezë në Fier.
Me këtë ujë që është i ndotur vadisin tokat e mbjella dhe për të pirë bagëtitë.
Banorët thonë se kjo situatë është krijuar nga derdhja e mbetjeve të bagëtive ndërsa shprehen se të mbjellat janë tharë ndërsa u kanë ngordhur edhe gjedhët.
“Ndotja vjen nga stalla e derrave. Kjo situatë është e përsëritur; I thanë të mbjellat se është i ndotur uji. Edhe bagëtitë ngordhin nga kjo, plus hidhen edhe në det pastaj e aty infeksione e gjëra; Uji është i ngordhur. Mua lopa më ngordhi para dy javës, por ngase ka ngordhur unë nuk jam doktor; Ky ujë siç e shikoni vetë është urinë nuk është ujë dhe vjen nga stalla e derrave. Unë dua të vadis jonxhën dhe nuk kam me çfarë e vadis sepse kjo e thanë; Komplet është i ndotur. E shikon ujin të bardhë, uji tani ster i zi”, ishin disa nga deklaratat e protestuesve.
Banorët kërkojnë zgjidhje për të ndaluar ndotjen e ujit që përdoret për vaditje dhe për bagëtitë nga disa fshatra të zonës.
Discussion about this post