Pasi ish-kryeministri Sali Berisha kërkoi nga DASH të rishikojë vendimin për shpalljen e tij “non grata, Ambasada Amerikane i është përgjigjur në mënyre indirekte Berishës.
Në një postim në faqen zyrtare, Ambasada e SHBA, ka publikuar të dhënat e Departamentit Amerikan të Shtetit për personat e shpallur “non grata” nga Amerika.
Në raport, thuhet se numri i personave të shpallur “non grata”, kryesisht për korrupsion është mbi 200. Ndërkohë, në këtë raport theksohet se nuk ka asnjë kthim vendimi apo falje për personat e shpallur non grata.
Publikimi i këtyre shifrave, mesa duket është një përgjigje indirekte për ish-kryeministrin Sali Berisha, i cili i ka kërkuar dhe më herët nga DASH të paraqesë fakte për të justifikuar vendimin për non gratan.
Discussion about this post