Christian Eriksen dhe agjenti i tij do të takohen sot me drejtorët e Interit për të ndërprerë kontratën e mesfushorit me ‘Zikaltërit’.
Eriksen është kthyer në Milano nga Danimarka, por siç pritej, mjekët nuk i dhanë dritën jeshile për të vazhduar të luante në Serie A.
Danezit nuk i lejohet të stërvitet apo të luajë në Itali me një kardiak të implantuar pasi çdo kontakt ose goditje mund ta thyejë pajisjen.
Eriksen ka qenë duke u stërvitur me ish-klubin e tij Odense gjatë javëve të fundit dhe u kthye në Milano për t’iu nënshtruar ekzaminimeve mjekësore, por nuk shpresonte të merrte dritën jeshile nga mjekët raporton ‘La Gazzetta dello Sport’.
Ish-mesfushori i Interit, Khalilou Fadiga, u diagnostikua me sëmundje të zemrës pas mbërritjes në Inter në vitin 2002 dhe nuk luajti kurrë me fanellën e ‘Zikaltërve’, por vazhdoi karrierën e tij në Premier League.
Eriksen mund të ndërpresë kontratën e tij me Inter sot dhe të vazhdojë karrierën në vendin e tij të lindjes. Premier League dhe Eredivisie janë gjithashtu opsione të mundshme për 29-vjeçarin.
Mbetet për t’u parë nëse do të mjaftojë një takim apo nëse agjenti i lojtarit dhe Interi kanë nevojë për një takim tjetër për të rregulluar të gjitha detajet dhe për të finalizuar zgjidhjen e kontratës së Eriksen./K.T/Gijotina.com
Discussion about this post