Kryetari i Partisë së Lirisë, Ilir Meta ka zbuluar detaje nga Konventa e Partisë së Lirisë, që do të mbahet më 27 prill.
Ai thotë se takimi do të nisë në Pallatin e Kongreseve, por do të përfundojë në tek shtëpia e Sali Berishës, duke paralajmëruar kështu se do ti bashkohet protestës që demokratët zhvillojnë çdo ditë poshtë shtëpisë së ish-kryeministrit.
“Do ta nisim në 27 prill në orën 10:00 me ‘Për ty atdhe’ bashkë me djalin e Mentor Xhemalit dhe do ta mbyllim ‘moj Serbi murin ta prisha se më thonë Sali Berisha’, tek Berisha që vdes ti dhe që të ka vënë në siklet të madh, por prapë jemi më të fortë me më shumë Berisha”, shprehet Ilir Meta gjatë nje takimi ish-peshengritësin Muharrem Berisha.
Me herët Ilir Meta, iu bëri thirrje qytetarëve të bashkohen në Pallatin e Kongreseve, për t’i dhënë Lirisë, siç thotë ai dimensionin që kërkojnë të gjithë shqiptarët.
Ilir Meta ka publikuar një foto të peshëngritësit Muharrem Berisha, ndërsa shkruan se “ose bëhemi Kampionë të vlerave të Lirisë, Kombit, Atdhedashurisë dhe Patriotizmit, si Berisha, Vironi dhe Adriatiku ose nuk i duhemi më kësaj toke”.
“Me këtë foto të SuperBerishës tonë ju përshëndes dhe ju uroj të gjithëve një javë energjike në këto ditë historike për Partinë e Lirisë! Në 27 Prill, në ora 10:00, takohemi në Pallatin e Kongreseve për t’i dhënë Lirisë dimensionin që kërkojnë të gjithë shqiptarët. O bëhemi Kampionë të vlerave të Lirisë, Kombit, Atdhedashurisë dhe Patriotizmit, si Berisha, Vironi dhe Adriatiku ose nuk i duhemi më kësaj toke”, shkruan Meta.
Ndërkohë në një tjetër postim, Ilir Meta ka publikuar një vdieo duke u ngjitur në mal, ndërsa shkruan: “Do ta bëjmë këtë tokë të bekuar nga Zoti një vend të begatë dhe plot me shpresë për të jetuar 4 milion shqiptarë plus! Malet tona më të larta! Gëzua Ditën Ndërkombëtare të Tokës!”
Discussion about this post