Kryetari i PD-së, Sali Berisha u bëri apel qytetarëve ti bashkohen opozitës të martën, në protestën e radhës para bashkisë së Tiranës për dorëheqjen e Erion Veliajt.
“Të gjithë të martën në ora 16:30 te bashkia, shtëpia e parë e Tiranës, shtëpia e qytetarëve, ta pastrojmë nga hajnat dhe fundërrinat. Ndaj dhe e shfrytëzoj këtë rast për t’u bërë një thirrje çdo politikani që e ndjen veten opozitar. Çdo aktivisti, çdo anëtari të shoqërisë civile, çdo intelektuali, bashkohuni në këtë betejë për jetë ose vdekje të demokracisë. Në këtë betejë që do e fitojmë. Në këtë betejë që ecim të sigurt drejt fitores. Të gjithë në betejë”, deklaroi Berisha gjatë protestës në mbështetje të tij.
Fjalimin e nisi me një përshëndetje për kreun e Partisë së Lirisë Ilir Meta, i cili iu bashkua protestës në mbështetje të Berishës, bashkë me anëtarë të tjerë të PL-së.
Kryeministrin Edi Rama, e quajti “antishqiptar” dhe hajdut i papërmbajtur”.
“Ky kriminel i shpifur mendon se do zhdukë opozitën me mercenarë, horra si Dumanë e kompani. Miqtë e mi, do mjerohen ata që përballen me opozitën. Opozita është morali i kombit. Opozita është dinjiteti i kombit. Opozita është sovraniteti i kombit. Opozita në këtë vend nuk vdes kurrë pa u shuar fara jonë”, tha kryedeokrati.
“Ja të vdesim, ja të rrojmë, ky është kushtrimi ynë! Nuk ka forcë në botë që të na ndalojë ne”, theksoi Berisha.
Discussion about this post