E moshuara Rafije Abedini, e cila u gjet e pajetë në banesën e saj në Tiranë këtë të hënë, dyshohet se ka humbur jetën “për shkaqe natyrale”. Ky është konkluzioni i hetimeve paraprake të grupit hetimor.
“Rreth orës 13:30, në rrugën ‘Sulejman Pitarka’, ka ndërruar jetë në banesën e saj shtetasja R.A., 73 vjeçe, e cila nga verifikimet paraprake rezulton se kohët e fundit kishte shfaqur probleme shëndetësore dhe vuante nga disa sëmundje të ndryshme. Nga veprimet e para hetimore, të kryera në vendngjarje, rezulton se shtetasja R. A., është rrëzuar disa ditë më parë dhe nuk ka dëmtime ose shenja dhune. Paraprakisht dyshohet se vdekja ka ardhur nga shkaqe natyrale, por për të përcaktuar në mënyrë përfundimtare shkakun e vdekjes pritet ekspertiza e thelluar nga IML”, njoftoi policia.
Discussion about this post