Christian Eriksen dhe Inter ndërprenë ditën e djehsme kontratën në formë konsensuale, pasi mesfushori nuk mund të vazhdojë të luajë në Serie A për shkak të problemeve me zemrën.
Ai do të vazhdojë të luajë futboll, megjithatë nuk pritet të ndodhë një rikthim i shumërpërfolur te Ajax.
Agjenti i lojtarit danez, Martin Schoots ka folur pas thashethemeve të fundit që lidhnin Eriksen me Ajax-in, të cilat ai i ka mohuar.
Martin Schoots tha se ai mund të sigurojë që Christian Eriksen do të vazhdojë të luajë futboll, por se ai nuk ka arritur asnjë marrëveshje me Ajax Amsterdam.
“Mund të them se Eriksen do të vazhdojë të luajë futboll dhe se dy klube më telefonuan disa javë më parë duke e pyetur për të”.
Këtë e ka siguruar përfaqësuesi danez, duke lënë të kuptohet se tashmë disa klube ishin të interesuara për të. Sipas disa zërave, këto dy klube mund të jenë Arsenali dhe Tottenham.
Discussion about this post