U shpall i humbur në kufirin serbo-kroat, Leo Roçi gjendet i gjallë në këtë shtet

Leo Roci i cili rezultonte i zhdukur prej 10 ditësh është gjetur i gjallë në Itali.

Leo Roci humbi kontaktet me familjen e tij më 21 maj. 34-vjeçari kishte pak ditë që ishte liruar nga burgu pasi përfitoi nga Amnistia Penale dhe ishte nisur drejt Britanisë së Madhe te gruaja dhe fëmijët e tij.

Familjarët dyshonin se mund t’i kishte ndodhur diçka e keqe nga personat me të cilët ka qenë në burg.

Momenti i fundit kur 34-vjeçari nga Dibra kishte folur me familjarët e tij ishte në kufirin serbo-kroat.

Denoncimi i zhdukjes u bë nga daja i të riut, Astrit Doda.