Një 41 -vjeçar në Gjirokastër ka rënë sot në prangat e policisë për shkak se ka ushtruar dhunë fizike dhe psikologjike ndaj gruas së tij. Ai ka guxuar të hyjë në banesë dhe të dhunojë të renë edhe pse prej disa muajsh, kjo e fundit kishte marrë një urdhër mbrojtje, pas denoncimit që kishte bërë më parë në polici për dhunën e vazhdueshme që ushtrohej nga i shoqi.
Denoncimin për rastin në fjalë e kanë bërë fqinjët dhe më pas policia k shkuar në vendngjarje, ku ka arrestuar në flagrancë 41-vjeçarin. Sakaq, bëhet me dije se ky i fundit është dërguar në komisariat, ndërsa materialet në ngarkim të tij kaluan Prokurorisë pranë Gjykatës së Shkallës së Parë Gjirokastër për veprime të mëtejshme.
Discussion about this post